a mieç
[AF]
-
loc.av., loc.adi.inv.
in dôs parts compagnis o plui o mancul compagnis:
al divît a mieç la sigarete e si sentin a fumâ (Pieri Somede dai Marcs, L'avocat e la luianie);
i siei voi, taiâts a mieç des lints dai ocjâi, a somein chei de bilite (Alan Brusini, Gian Paolo Linda, I forescj)
-
loc.av., loc.adi.inv.
intune posizion intermedie tra doi o plui ponts di riferiment:
al restà a mieç, par aiar, inluminât di une bampe: jenfri la tiere e il cîl (Domeni Zannier, La crete che no vai)
-
loc.av., loc.adi.inv.
intun pont o moment intermedi jenfri l'inizi e la fin di une azion, di une espression, di un resonament e v.i.:
voi jù ta gravis e vuê dovi dâi sot par fuarce. Che no mi cjapi la ploie a mieç (Dolfo Zorzut, Se la prime mi cjoleve);
"Grant biel fûc, 'Sefin! Chei altris a jerin za studâts che il nestri al jere a mieç" (Luciano Rocco, La foghere)
-
par segnâ une cundizion di incompletece, di no finît, di no rivât insom:
«Oh par me…» «Ce ûstu dî?» e domandà la vecje, umbridde di chês peraulis restadis a mieç (Maria Forte, La tiere di Lansing);
in chê dì nol veve plui viarte bocje, cundut che ancje il predi i ves dit dal altâr, voltantsi e lassant a mieç lis sôs robis de Messe: «Sù mo sù, no stin a sei fruts!» (Meni Ucel, Messe a straoris)
-
loc.av., loc.adi.inv.
intune cundizion intermedie, che e pues condividi aspiets cun altris doi o plui elements materiâi o imateriâi:
dongje chê fuarce antighe des muraiis, al nasseve jenfri di me un sintiment che mi faseve sintî come a mieç, tal passât e tal presint (Nadia Pauluzzo, Gjiografie pierdude)
-
loc.prep.
viôt a mieç di
:
cimiteri a mieç il stradon, monument urban di supiarbie e miserie (Toni Broili, I trucs furlans. Ombre di lunari par l'an 1851);
l'unic difiet che al veve intorsi, al sarès stât chel scjalin a mieç il nâs, che i deve l'aiar di un bec di rapine (Giovanni Gortani, Un mus che al va frari)
Components:
-
mieç
adi.num., pron.num., s.m., adi.