Dizionari de Lenghe Furlane

a la svelte    [CO]

1. loc.av. stant pôc timp, in pôc timp:  "O ai puartât i colôrs che mi à ordenât il pitôr e cussì sperìn di finîle a la svelte" (Costantino Smaniotto, Co l'amôr al cimie); je in volte une ciarte malatie, / che co tache, a la svelte puarte vie (Pieri Çorut, Il Strolic mezan par l'an 1866); "[…] Jo dovi lâ vie e no tornarai tant a la svelte, tu sâs!" (Dolfo Zorzut, Se la prime mi cjoleve)
   Sin. di corse , in curt , a la preste , a la sclete , bot e sclop , prest , tic e tac , a bot e sclop , di bot e sclop
   Var. ae svelte
   Cfr. svelt , biel svelt , di presse
   
   1. ancje sacrificant cualitât, precision, coretece e v.i., par stâ pôc timp:  lis robis a vegnin fatis masse a la svelte e dopo al ven fûr ce che al ven fûr (Pieri Somede dai Marcs, L'avocat e la luianie)
      Cfr. a la buine , a la buinace , a la buine di Diu , a la mancul piês , a la miôr cu sei , di presse , di corse

Components:

• svelt adi., s.m.