Dizionari de Lenghe Furlane

'suf  'suf  [CO]

1. s.m. sorte di polente mole, fate cun farine di blave e dispès ancje cu la coce, in câs fate o servide ancje cul lat:  Zuan Batiste nol è ancjimò tornât a cjase. El ‘suf si disfrede, te scudiele (Arturo Feruglio, I stivâi di Zuan Batiste); al viodeve lis zornadis lungjis e fredis passadis bessôl ta chê surisarie di cjase, in spiete che sô mari e tornàs a fâ di cene chel tic di ‘suf cul pignot. Ce vite grame! (Roberto Ongaro, Il muc)
   Var. zuf
   Cfr. polente , meste , jote¹
2. s.m. (fig.) licuit plui penç de aghe e fat di sostancis messedadis:  al sbrissà e patapunfete dentri ta chel ‘suf grîs e neri di lavuache (Pieri Menis, Tinut di Libro)
3. s.m. (fig.) confusion o robe fate dant dongje e messedant tancj elements, ancje cence ordin o armonie:  a inturbidissin il furlan e no san spiegâsi par talian, e cussì a messedin chel e chel intun ‘suf che al fâs ridi i claps (Josef Marchet, Scuele e lenghe)
   Sin. mismàs , miscliç , messedot , misturot , mignestron

Proverbis:

• il 'suf al ten sù il lus