Dizionari de Lenghe Furlane

zentîl  zen|tîl  [AF]

1. adi., s.m. [TS] stor. spec. tal pl., te Rome antighe, cui che al jere de stesse gens
   
   1. tal prin cristianisim, cui che al faseve part dai popui pagans, cui che nol jere judeu:  al volarès dî che la prime predicazion a Aquilee e fos indreçade prin di dut ai judeus, in mût diviers di chê di sant Pauli, che si indreçave plui di dut ai zentîi (Giovanni Battauz, Flavio Cossar, Renato Iacumin, I mosaics de basiliche di Aquilee)
2. adi., s.m. [LE] che, cui che al à divignince nobile e gloriose:  une grande zornade di cjace, in companie dal flôr plui zentîl de nobiltât furlane (Arturo Feruglio, La manie); pront a murî pal gno zentîl Paîs (Pieri Bonin, Voli grant e cuiet, front regolâr)
   Sin. nobil , aristocratic
3. adi., s.m. che, cui che al mostre benvolê e creance:  "Simpri zentîl jê… Ma si disturbe masse" (Costantino Smaniotto, Co l'amôr al cimie); e jere restade ben impressionade di chel fâ sereôs e zentîl e, tal stes timp, fer e decidût (Roberto Ongaro, Il muc)
   Sin. afabil , amorevul , ninin , civîl , cjâr , cortês , cortesan , creançôs , degnevul , civilin , graciât , graciôs , zentilin
4. adi. che al à une bielece fine e delicade:  cheste zentîl viole / primizie de stagjon, / la ai destinade in don, / Anute, al to biel sen (Pieri Çorut, Cheste zentîl viole)
   Sin. armoniôs , delicât , elegant , finet , finut , lizadri , tenarin , zentilin
   
   1. che al fâs plasê in maniere delicade:  al jevave sù dal mâr un aiarin zentîl (Catarine Percude, Lis striis di Gjermanie)

Polirematichis e espressions idiomatichis

• zentîl ses loc.s.m.

Proverbis:

• i uciei a son bogns chei dal bec zentîl
• vin di avrîl, vin zentîl