Dizionari de Lenghe Furlane

vicinâsi  vi|ci|nâ|si  [AF]

1. v.pron.intr. lâ dongje:  al si vicinà al balcon e lu spalancà di fuarce (Domeni Zannier, La crete che no vai); Ester si vicinà a sô mari e i poià su lis spalis un sial (Mario De Apollonia, Il timp par ledrôs); e sintì a cjacarâ a fuart, si vicinavin doi fachins, che a sburtavin indevant un cjaruç (Jolanda Mazzon, Fûr di timp)
   Sin. sdongjâsi , fâsi incà , lâ dongje , tirâsi incà , vignî dongje , vignî incà , fâsi sot , vignî sot , svicinâsi
   Var. avicinâsi
   
   1. rivâ a jessi dongje tal timp:  une sere, cuant che si vicinave il timp di partî, i à dit a so fi [...] (Pieri Menis, Une cotule pal dì de sagre); si vicine il nestri moment (Alan Brusini, Un dai pôcs)
2. v.pron.intr. someâsi o cjapâ plui elements di someance o podê jessi comparât cun alc o cun cdn. par caratar, cualitât, nivel e v.i.:  [il popul furlan] no si è fondût, no si è messedât, no si è unificât tal so spirt cun nissun, al plui si è vicinât (Josef Marchet, Un element fondamentâl dal moviment autonomistic)
   Sin. svicinâsi , sdongjâsi
   
   1. rivâ dongje di un ciert risultât, di une cierte cuantitât, entitât e v.i.
3. v.pron.intr. (fig.) tacâ a studiâ, a fâ, a interessâsi di alc:  podê vicinâsi a la Bibie e rivâ ai nivei spirituâi dal Libri sant cun dute la anime (Riedo Pup, Il popul furlan al à la Bibie); Luzian Verone, che si è vicinât cun rare modestie ma insieme cun profont sens di responsabilitât ae leterature nostrane, al à plene fiducie tal letôr (Gianfranco D'Aronco, La ultime antologjie)
   Sin. svicinâsi , sdongjâsi
4. v.pron.intr. (fig.) cjapâ pratiche, confidence, simpatie e v.i. cun cdn. o cun alc
   Sin. svicinâsi , sdongjâsi
   
   1. tacâ a vê afinitât, a jessi in cunvigne cun alc o cun cdn.
5. v.pron.tr. puartâ, meti o fâ rivâ alc o cdn. dongje
   Sin. svicinâsi , sdongjâsi