Dizionari de Lenghe Furlane

vê a ce fâ    [AF]

1. loc.v. vê analogjie, relazion, inerence cun alc:  ce aial a ce fâ un titul dal gjenar cuntun Congrès de Societât Filologjiche tignût a Tarcint? (Giovanni Frau, Peraulis in libertât: i atlants linguistics); lis nestris risorsis no vegnin dopradis par finalitâts che nuie a àn a ce fâ cui nestris interès (Sergio Cecotti, La tierce cuistion furlane)
   Sin. vê a ce viodi , vê ce fâ
2. loc.v. vê un cualchi rapuart cun cdn. o cun alc:  "Nô si volin ben…" e soflà. "Ah, sì? Ma jo no ti vevio improibît di vê a ce fâ cuntun come lui?" (Gianni Gregoricchio, Trê feminis); nol è simpri facil tacâ boton, specie se si à a ce fâ cun int plene di caghe (Checo Tam, La maree nere); par sierâ cheste vore cence imberdeâsi in discors fats di aiar, mi à someât util lassâ la peraule a un trop di personis che a àn a ce fâ vuê cu la radio (Max Mauro, Un Friûl difarent: i 90 mhz di Onde Furlane)
   Sin. vê ce fâ , vê a ce viodi

Components:

• ce¹ pron.int., inter., pron.dim., adi.int., adi.escl., av., pron.indef., s.m.
• fâ v.tr., s.m., v.intr.
• vê v.tr., v.aus.