Dizionari de Lenghe Furlane

umiltât¹  u|mil|tât  [AF]

1. s.f. [BF] il jessi di classe sociâl puare o di nivel jerarchic bas
   Cfr. puaretât , miserie¹ , subordenazion
   
   1. il mostrâ, il jessi caraterizât di puaretât o miserie
2. s.f. disposizion psicologjiche o maniere di fâ che e mostre la acetazion dai propris limits, dai propris difiets e la mancjance di supierbie pai propris merits e pes propriis virtûts:  la supierbie e la mancjance di umiltât e je di chel che al met il pît sul cuel a di chel altri. E nô, graciant Idiu, no lu vin metût a dinissun (Francesc Placerean, Il Friûl taramotât al à bisugne di ducj, ma al à di aministrâsi di bessôl); nus covente une grande cjarie di umiltât par acetâ lis critichis che o mertìn (Riedo Pup, I furlans e la Vite Catoliche)
   Sin. modestie
3. s.f. disposizion psicologjiche o maniere di fâ che e mostre sumission o rivuart:  content di vê fate ancje in chê volte la part che i spietave e di vê servît il Pape in sante ubidience e umiltât (Alviero Negro, Il vicjari e i framassons); se o domandarìn alc sore cu la solite umiltât e rassegnazion, nus ridaran su la muse (Josef Marchet, Legnadis e pidadis)
   Sin. deference , sotanance , sumission

Proverbis:

• cu la umiltât si romp la glace
• la trope umiltât e puce di supierbie
• trope umiltât, trope supierbie