sotanance
/-nàn-/
so|ta|nan|ce
[AF]
-
s.f.
cundizion di cui che al è sotan, di cui che al è tal nivel plui bas di une jerarchie, di une scjale sociâl, intun rapuart di fuarcis e v.i.:
societas che par latin al sta propit par aleance, rapuart dal dut diferent di sotanance e che al vûl paritât di dignitât di doi sogjets tun acuardi e no il domini di un suntun altri (Sandri Carrozzo, Rotgaut e la politiche furlane langobarde);
meti adun un rapuart avuâl, cence pôris di sotanance o supierbiis di sorestance (Gianni Gregoricchio, Trê feminis)
-
s.f.
disposizion psicologjiche di cui che al è usât a ubidî e a patî prepotencis o a vê masse rivuart:
se tu vâs sul Trentin la autonomie tu le respiris cul aiar fresculin di chei paîs. Chi di nô […] si respire nome sotanance e pôre di mostrâ la muse (Enos Costantin, Autonomie: ma dulà?);
di chestis robis no vin mai fevelât, no vin mai sclaride la mê posizion. E tu tu tasevis par sotanance (Enrico Martina, Ricuarts e inlusions)
Sin. sumission
, subordenazion
, sudizion