Dizionari de Lenghe Furlane

traspuartâ  tras|puar|tâ  [AF]

1. v.tr. (ancje fig.) puartâ di un puest intun altri:  traspuartâ lis cjamis di fen su la schene (Carlo Sgorlon, Ombris tal infinît); la vôs di Greg Lake ti tire dentri e ti traspuarte intun insium (Checo Tam, Ladies and gentlemen… Emerson, Lake & Palmer!)
   Sin. puartâ , menâ
   Var. strapuartâ , trasportâ
   Cfr. stramudâ
   
   1. in sens specific, puartâ un cadavar tal puest de sepulture:  finide la funzion, l'è traspuartât / il cuarp ne glesie de la Puritât (Pieri Çorut, In muart di Mons. Tomadin)
2. v.tr. (ancje fig.) movi di un moment o di un timp a di un altri
3. v.tr. (fig.) fâ sintî a fuart une emozion, une partecipazion emotive, puartâ a un compuartament che al derive di une emozion fuarte:  al berlà a dute vôs che la vuere e jere finide; anzit al fevelà di armistizi, ma la int no si lassà traspuartâ de ligrie come che e veve fat il dì di sante Ane, cuant che al jere colât il Duce (Roberto Ongaro, Il muc)
   Sin. puartâ , strissinâ