strissinâ
stri|ssi|nâ
[FO]
-
v.tr.
cambiâ di puest alc cence tirâlu sù di tiere:
a lerin jù tal lavio a cjoli i claps, ju strissinarin ca pal troi cu lis leandis di blaudinarie, intun grum (Dino Virgili, La aghe da pît la cleve);
lu strissinin [il cjaval muart], pe strade plene di polvar, fin tal curtîl dal becjâr (Pieri Somede dai Marcs, La cavalarice)
Var. strassinâ
, trassinâ
-
movi alc fasintlu tocjâ par tiere:
siôr Toni vecjon, che al strissinave lis çavatis dilunc i coridôrs come une fantasime (Alan Brusini, Come tai romançs);
a si faseva na grant fadia a strassinâ indenant li damindi tal paltam (Novella Cantarutti, La agna Mia di Ristec);
il cjan, strissinant il music par tiere e la code jenfri lis gjambis, al va dongje di chel che lu clame (Pieri Menis, Destins)
-
(ancje ass.)
di aghe, aiar o sim., puartâ vie:
al jere biel viodi vignî jù di sburide la aghe strissinant i claputs, e po viodile a cambiâ strade a colp cuant che si cjatave denant une roste (Lucio Perès, Tal Cuar);
a na mi volevin cun lour parcè che il coreval al strassinava, ma i mi contentavi da talpinâ via su la renzida tra aga e grava (Novella Cantarutti, Il gorc di Grimau)
-
v.intr.
tocjâ par tiere:
chei bregons a zampa che a levin di mode e che a strissinavin fin par tiere (Checo Tam, Joe Tex e Joe Cocker)
-
v.tr.
movi o puartâ vie cun fuarce o ancje cun violence:
come une furie al cjape di gnûf Meni pal stomi, lu strissine e lu bute fûr de puarte (Pieri Somede dai Marcs, Vilie di Nadâl (teatri));
[i fassiscj] a tornarin fûr strissinant mestri Checo che al cirive di dî lis sôs resons e che si cjapave une manganelade pe schene ogni volte che al vierzeve bocje (Roberto Ongaro, Cretevierte)
-
v.tr.
(fig., ancje ass.)
rivâ a convinci, fâ che cdn. al fasi une cierte robe ancje se bessôl no le fasarès:
cun Pieri, un tai daûr chel altri e o soi rivât parfin a strissinâlu a cene al Valmontane (Alan Brusini, Gian Paolo Linda, I forescj);
"Al à peraulis che a strissinin…" (Pieri Piçul, Vieri e gnûf)
Sin. indusi
, sburtâ
-
v.tr.
(fig.)
tirâ alc in lunc, davuelzilu intun timp che nol finìs mai:
"Viôt di stâ sù president fin che tu âs finide cheste vore. Slumbriile, strissinile, fâs ce che tu vûs, ma no stâ jessî di sene fin che la comission no ti à consegnadis lis sôs soluzions" (Adrian Cescje, Memoriis di politiche linguistiche);
mi someave scuasit che al strissinàs la conte par stratignîmi plui a lunc (Carlo Sgorlon, Il dolfin)
Sin. distirâle
, slumbriâle
, slungjâle
, tirâle in lunc
-
v.tr.
(fig.)
fâ alc cun fadie, cun dificoltât e v.i.:
sclagns e simpri plui dirocâts, o strissinìn la zornade lavorant (Ivano Urli, Storie di Min);
la Pasca strissinava la vita lavorant cuant che podeva, e cirint la caritât cuant che no gji jera pussibil di vodegnâ cul so sudôr onorât (Federigo Comelli, Il me paîs)
-
v.tr.
(fig.)
pronunziâ slungjant i suns:
si sintivin lis preieris strambidis di Agnul Falon e chês di Carli Moscjit che al strissinave i "Amen" plui a lunc di chei altris (Maria Forte, Cjase di Dalban);
i lu scoltavi che al fevelava strassinant li peravali cu la anda navarunsina ridusuda come una cantilena lungja (Novella Cantarutti, Un pitour par me)
Polirematichis e espressions idiomatichis
Proverbis:
- il diaul une volte al puartave e cumò che al è vieli al strissine
- se la crôs no si vûl che e pesi, si à di puartâle e no di strissinâle