trasmission
/-òn/
tras|mi|ssi|on
[AF]
-
s.f.
il mandâ, il dâ, il fâ vê alc, di materiâl o imateriâl, a cdn. o il fâ che si slargji intune comunitât o intun ambient:
o soi convint che la trasmission de culture e scuen passâ pe scuele (Sonia Sicco, No vê pôre di cui e di ce che si è)
Sin. comunicazion
, passaç
-
passaç a un dissendent o a di un erêt:
il domini al restave dal princip, il gjoldiment al feudatari beneficiât e ae sô famee, par trasmission ereditarie ai fîs masclis (Adrian Cescje, Liniis di storie sociâl e economiche dal Friûl 1500 - 1800)
-
s.f.
[TS]
med.
il passâ di une malatie di un sogjet a di un altri
-
gjenet.
passaç ae dissendence dai caratars ereditaris:
Gregor Mendel (1822-1884), un sienziât di Brno, al publiche il prin articul là che si dimostre la gjenetiche e la sô trasmission ereditarie (Angelo Floramo, In chê dì. 9e pontade)
-
fisiol.
passaç di impuls gnervôs
-
s.f.
[TS]
fis.
passaç di energjie sot forme di lûs, calôr o altri di un sisteme a un altri:
si veve trasmission dal calôr par convezion e iradiament (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
-
s.f.
[TS]
telecom.
propagazion di segnâi radiofonics, televisîfs e v.i.:
disposizions in pro de produzion e de trasmission di programs in lenghe [minoritarie] (Marc Stolf, Minorancis linguistichis)
Sin. emission
-
s.f.
program radiofonic o televisîf:
tai agns otante la television locâl e tacarà a produsi trasmissions par furlan, come chês di sucès di Dario Zampa su Telefriuli (Max Mauro, Un Friûl difarent: i 90 mhz di Onde Furlane)
Sin. program
-
s.f.
[TS]
mec.
comunicazion dal moviment di un orghin mecanic a un altri
-
complès dai orghins che a àn chê funzion:
il motôr centrâl, midiant cenglis, arbui, e trasmissions di ogni fate, al mande la sô fuarce in tantis sezions (Josef Marchet, La scrassigne)