tradiment
/-ènt/
tra|di|ment
[AF]
-
s.m.
azion di tradî, di fâ dam a cdn. profitant de sô fiducie e mancjant a un rapuart di fedeltât, di impegn, di coretece, di rispiet e v.i.:
[i patriarcjis] vignint chenti, si menavin daûr int di lôr fiducie, massime in chei timps che i tradiments di ogni fate a jerin cussì usuâi (Josef Marchet, Cuintristorie dal Friûl fin sot la Italie);
cui che si fâs reo del tradiment di Stât, al sarà tant in timp di pâs come di vuera, condanât a la forcja (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
-
s.m.
relazion sessuâl o sentimentâl extraconiugâl o cuntune persone che no je chê che si è impegnâts:
il Cjapitani no si sintive masse ofindût dai tradiments di jê (Carlo Sgorlon, Il dolfin);
cul inamorâsi a àn ce fâ ancje i tradiments, lis bausiis, ma la piês robe, par gno cont, e je la zelosie (AAVV, Sul florî)
Cfr. aventure
, caravane
, cuar
Polirematichis e espressions idiomatichis
Proverbis:
- il tradiment al è dut velen