Dizionari de Lenghe Furlane

tovâ  to|vâ  [CO]

1. v.intr. butâ fûr il flât:  là jù tal cjamp van i nemâi tovant / e al tai del vuarzenon e lûs la tiare (Enrico Fruch, Mi plasin...); sberlin, zighin, urlin, tufin / disin robe del infiar; / tovin, rutin, rugnin, sbufin. / Cuarnin plui di un peçotâr (Toni Broili, Academie des massariis)
   Sin. soflâ , sfladâ
2. v.intr. fâ, mandâ une bampe di cjalt:  il nadalin al tovave sot la cinise (Dino Virgili, La aghe da pît la cleve)
   Cfr. brusâ
   
   1. (fig.) jessi cjapât di alc che si pues calcolâ cjalt, fûc, flame e v.i.:  ah plui no mi matee sot el cerneli / la fantasie, ne di passions mi tove / el cûr! (Pieri Corvat, El cuarantevot)
3. v.tr. viôt tovâle , viôt tovâse

Polirematichis e espressions idiomatichis

• tovâle v.pron.
• tovâse v.pron.