torte
tor|te
[CO, TS]
-
s.f.
gastr.
preparazion, pal solit dolce, ma in câs ancje salade, fate di une paste che e involuce altris ingredients, o di une paste messedade cun altris ingredients o ancje di un impast sempliç, che si cuei tal for:
la siorie dal Comun tai tinei dal cont Rote a bevi vermut, licôrs, cjicolate, cafè e a mangjâ tortis e piscotins (Pieri Somede dai Marcs, Une conference di padre Gemelli);
e jessè de cusine cuntune torte in man (Alan Brusini, Il sium di Rico)
Cfr. pete
, fuiace
, pinze1
, gubane
-
s.f.
tecn.
grande ruede verticâl dal mulin, che si môf insiemi cul rôt e che midiant di sanis e da il moviment al segnon:
e se al tocjave une muele, une cengle, la torte, cussì come a fâi a cjâr, i pareve di tocjâsi se stes (Dino Virgili, Il mulin)
Cfr. mulin
-
s.f.
(fig.)
in metaforis o paragons, robe che si à di dividi cun altris:
l'è culà tun cjanton un blec di nûl / che lu sta a golosâ dut il Friûl: / je piçule la torte; in conseguence / i tocje a cualchidun di restâ sence (Pieri Çorut, Il Strolic mezan. Pronostic par l'an 1856);
il fatôr si ingrassave ogni dì di plui, e ancje Gubian al jere rivât a meti i dincj su une fete di torte, raspant lis tiaris di Predeman (Gianni Gregoricchio, Îr e doman)