Dizionari de Lenghe Furlane

tirâ in bal    [CO]

1. loc.v. cjapâ dentri cdn. intune cuistion:  "E pre Denêl, invezi di meti indenant Bepo, no podevial, no? Persuadê la frutate a cjapâ lis robis cuntun pôc plui di cjâf?" "Ma nol è stât pre Denêl a tirâ in bal Bepo: o soi stade jo!" (Ercole Carletti, Mariute)
   Sin. clamâ in cause , tirâ dentri
2. loc.v. fâ jentrâ intun discors:  nol covente tirâ in bal peraulis tecnichis tant che "diglossie", cheste persone e je un esempli paradigmatic di bilengâl; dibot ducj i bilengâi che o ai cognossût a son cussì, a doprin lis lenghis in contescj diferents (Franc Fari, Il cjâf dai furlans); un [zuiant une partide di balon] nol varès di pierdi mai il cjâf, ma ogni tant al sucêt e no si à di scandalizâsi tirant in bal la «etiche dal sport» (Christian Romanin, Dino Zoff: «O vin lidrîs buinis, o vin di tignîlis di cont»)
   Sin. clamâ in cause , tirâ fûr

Components:

• bal s.m.
• tirâ v.tr., v.intr.