bal
bal
[FO]
-
s.m.
il movisi dal cuarp daûr di moviments ritmics e armonics, in gjenerâl daûr di une musiche, tant che ativitât artistiche, sportive, rituâl, di divertiment e v.i.:
lengaçs espressîfs tant che la recitazion, la mimiche, il cjant, il bal (Roberta Melchior, Cjalâ il mont di Vençon);
i discors che a fasevin fra di lôr a jerin chei des fantacinis di citât: la ultime mode, lis vetrinis di Marcjât Vieri, il bal, i fantats (Roberto Ongaro, Cretevierte)
Sin. danze
-
complès specific e codificât di chei moviments, che al forme un gjenar ben individuât:
Casanova dispès al bale minuets, contradancis e altris bai di societât che a jerin di mode tai siei timps, ma il bal che al somee che al vedi miôr al è la "furlane" (Pierluigi Visintin, Friûl e furlans te Histoire de ma vie di Giacomo Casanova);
balarin di gale in ducj i bai, ma al spicave tal tango e massime tango argjentin (Ivano Urli, La musiche)
-
s.m.
volte che si bale e che e dure une cjançon:
"Di po, Guido, spietistu l'ultin bal o ti smolistu prin, cheste volte?" (Roberto Ongaro, Cretevierte);
intant al jere finît il bal e Nicola le puartave daprûf il banc domandant ce che e voleve bevi (Alan Brusini, Il svindic di Rosute)
Sin. danze
, zîr
-
s.m.
fieste là che si bale:
ancje la innomenade vile di Gargagnà Disore, e varà la sô manifestazion, cuntun grant bal (Josef Marchet, Lis predicjis dal muini)
Sin. fieste di bal
-
s.m.
(fig.)
moviment, ancje fuart e ripetût:
chel taramot, chel bal cença reson da la cjasa, il pinseir che a vevin saltât i crets e i cuei e li aghi four da li sô stradi, a mi vevin viert drenti un strasit di poura (Novella Cantarutti, Fat di voladia)
Sin. balâ
, sbalotament
, sdrondenament
-
s.m.
(fig.)
situazion che e compuarte il rispiet di regulis o ancje di costrizions:
i dôi amigos, par dî la veretât, ti àn un pocje di pôre, a tremin; ma posto che a jerin tal bal, ur tocjave di balâ (Pieri Menis, Lis leiendis di Buie)
-
s.m.
(fig.)
situazion ripetitive:
sbalotavin duncja li intor da un altri cuart di ora, senza podê vignî al fin di chel bal, cuant che una onda, sbassantsi improvisamenti sot la barcja del pescjadôr, la puartà a bati propri su la altra (Federigo Comelli, Il me paîs)
Polirematichis e espressions idiomatichis
Proverbis:
- cheste musiche no va sun chest bal
- cuant che si è tal bal, si à di balâ
- ogni biel bal al stufe, ogni bon pan al fâs la mufe