danze
dan|ze
[AF]
-
s.f.
secuence ripetude di moviments che une persone e fâs bessole, in cubie o in grup, simpri cun moviments su lis gjambis e par solit compagnade cun melodie, o dome cun ritmis, fate par resons rituâls o par divertiment:
la furlane e jere une danze di origjin furlane cuntune ande une vore vivarose, che e someave ae "gjighe", cuntun ritmi par solit ternari (3/4) (Pierluigi Visintin, Friûl e furlans te Histoire de ma vie di Giacomo Casanova);
al mi insegnà a balâ in ponta di peis na dansa che a zeva justa ben par me (Novella Cantarutti, Na ombrena serada)
Sin. bal
-
[TS]
etol.
secuence di moviments fate di ciertis speciis di animâi par comunicâ, par lotis ritualizadis, par fâ la cort e v.i.
-
s.f.
musiche o cjançon par compagnâ il bal:
buine sere, fantacinis! / Us domandi libertât / di podêus cjantâ une danze / cence jessi disturbât (Popolâr, Buine sere, fantacinis!)
-
s.f.
(fig.)
secuence regolâr di fats, ideis, peraulis, sintiments e v.i.:
simpri une vite compagne; simpri chê danze cui pas scolorîts te zornade (Maria Forte, La tiere di Lansing)
-
maniere di lâ indevant:
"[…] O lin mâl di cheste danze copari Toni!" (Tarcisio Venuti, La cjase di Toni);
ma i timps a passin; e la danze e cambià ancje par lôr… (Josef Cjargnel, La caroce di aur di Sant Martin)
Proverbis:
- il violìn che al fâs la danze si cognòs ce sun che al à