tiessût
tie|ssût
[AF]
-
p.pass., adi.
viôt tiessi
, viôt tiessisi
:
gjachetins di bavele e fîl stuart, tele tiessude in cjase (Pieri Menis, Marum)
Var. cjessût
-
adi.
formât o decorât cun fîi o elements che si incrosin tra di lôr o cuntune struture incrosade:
il plevan cul piviâl tiessût di fîi di aur (Pieri Somede dai Marcs, Corpus Domini)
-
adi.
(ancje fig.)
formât, dât dongje intune cierte maniere di plui elements, caraterizât de presince fisse di plui elements, ancje astrats:
il nestri mont culturâl tiessût e nudrît di ducj i valôrs umans e religjôs che a àn judât a fâ serene e sperançose la vite dai nestris vons (Riedo Pup, Murî di fam cui camarins plens)
-
s.m.
materiâl formât di fîi incrosâts fis tra di lôr otignût lavorant cul telâr:
i ai regalât un "segnelibri" di tiessût, che o vevi ricamât cuntune rose (Done Bete, La tovuaiute di Lubos);
[il lin] e jere fibre vegjetâl, che e permeteve la produzion di tiessûts che a vevin un ûs complementâr a chel de lane (Adrian Cescje, Liniis di storie sociâl e economiche dal Friûl 1500 - 1800)
-
s.m.
[TS]
biol.
struture di celulis vegjetâls o animâls che a àn une funzion specifiche:
sanc, muscui, tiessûts. Celulis e, plui indentri ancjemò, membranis, dna (Raffaele Serafini, B123ST);
i endocanabinoits […] a lavorin a nivel dal cerviel e de medole de schene, oltri che intai tiessûts, dulà che a ridusin la liberazion de istamine (Franc Fari, Neurosiencis dal dolôr)
-
s.m.
(fig.)
complès di elements fis:
il tintinâ mol e svariât dal rusignûl, intaiât tal tiessût scûr dal bosc (Maria Forte, La tiere di Lansing)
Sin. urdidure
-
struture di elements leâts tra di lôr:
il tiessût urban e sociâl nol è stât scovât vie de modernizazion (Igor Londero, Cuintristorie dal taramot)
Sin. implant
, telâr
, struture