tecniche
/tè-/
te|cni|che
[FO]
-
s.f.
complès des normis e des capacitâts, ancje te lôr aplicazion e tai lôr risultâts, che a fasin di fonde di une ativitât inteletuâl o pratiche:
[Zuan di Udin] un altri grant personaç, forsit mancul valevul dal Pordenon, se si vûl sul plan de inventive e de tecniche (Bepi Agostinis, Storie de art in Friûl);
[a zuiâ di balon] tu tu vevis pît e nol è cussì facil cjatâ un cu la tô tecniche (Stiefin Morat, Donald dal Tiliment);
libris di storie no 'nd veve plui lets. […] Al veve let dome libris di tecniche, di in chê volte (Agnul di Spere, Un cidinôr todesc)
Var. teniche
-
s.f.
procediment doprât par fâ un lavôr, une opare, un prodot e v.i.:
tecnichis costrutivis simpri plui complessis che, in dì di vuê, nus permetin di progjetâ e tirâ sù struturis no imagjinabilis dome cincuante agns indaûr (Alessandro Bachiorrini, Maltis armadis pes struturis dal tierç mileni);
la tecniche enologjiche tes ultimis desenis di agns e à fat progrès une vore significatîfs (Enrico Peterlunger, Storie curte de vît in Friûl)
-
s.f.
(fam.)
mût di fâ alc:
cumò invezit, che al è aromai un an, la tecniche [par butâ e racuei lis scovacis] e je cambiade. Ogni paîs al è stât semenât di containers verts, zâi e ros; grues e panzôs come 'savis (Riedo Pup, I caratei des scovacis)
Sin. mût
, implant
, maniere
, procediment
, sisteme
-
s.f.
aplicazion pratiche de sience:
o doprarìn i argagns de culture, de tecniche e de sience di cumò, par sigurâ un avignî al nestri passât (Sandri Mucci, Il Trê di Avrîl di Ane);
il tren al è la piche, il pont plui alt de culture e de tecniche umane! (Stiefin Morat, Donald dal Tiliment)
Sin. tecnologjie
-
s.f.
ancje pl., viôt scuele tecniche