Dizionari de Lenghe Furlane

stuarzisi  /-à-/  stuar|zi|si  [AF]

1. v.pron.intr. no vê plui une forme o une posizion drete o verticâl o orizontâl o regolâr o sim.:  "La bissebove… scjampìn…" si vose. Si viodevin i arbui plui dongje a stuarzisi, a tirâsi sù, a pleâsi di gnûf, a intorteâsi, a sbatisi un cuintri l'altri, a crevâsi pe fuarce de sbave (Pieri Somede dai Marcs, La bissebove); il Moro al cjalave il gjat, lu clamave: «Ven chi», e il gjat i saltave tal braç. Po i diseve: «Salamarieris!», slissotantji la schene e gratantlu daûr des orelis. Il gjat si stuarzeve, si pleave, si arcave (Meni Ucel, Il gjat)
   Sin. pleâ , arcâ , inarcâ , sgobâ
   
   1. vê une forme arcade o pleade:  sul cuviert parsore vie, come une creste, si stuarzeve un arcut di piere dulà che e pendolave une cjampanute (Pieri Menis, Chei di Muraie)
   2. movisi in maniere convulsive:  si butave par tiare stuarzintsi come un madrac (Josef Marchet, Lis predicjis dal muini); la veve cjatade tal jet che si stuarzeve e che si lamentave (Gianni Gregoricchio, Îr e doman)
2. v.pron.intr. di part dal cuarp, vê une solecitazion che e va di là di ce che une articolazion e permet, inflamantsi o discuinçantsi
   
   1. v.pron.tr. cjapâ une stuarte:  al si è slogât e stuart une conole (Pieri Somede dai Marcs, Ce sdrumade); tal colâ al si è stuarzude une man (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
3. v.pron.intr. (fig.) deventâ il contrari di ce che si jere o une vore diviers di ce che si jere, soredut in piês
   Sin. voltâsi , rivoltâsi , ribaltâsi , savoltâsi