stradele
/-dè-/
stra|de|le
[FO]
-
s.f.
strade avonde strete, spec. no asfaltade e di campagne:
par rivâ dal nestri lavôr a Fofenufin si meteve trê oris a pît, ce par stradis plenis di polvar, ce par stradelis e cjaveçâi che a passavin par traviers cjamps di patatis (Pieri Menis, Une letare par Bepo);
e someave dute compagne: lis stradelis che a inceavin sot il soreli di Avrîl a parevin tiradis dretis cu la scuare (Franca Mainardis, Grivôr);
dut Rivuinis di fruts che a fasevin un cjadaldiaul vie pe stradele de braide, jù pe rive, fin tal boscut dai cjastinârs (Dino Virgili, La aghe da pît la cleve)
Sin. semide
, stradute
Var. stradiele
Cfr. strade
, troi
, vie
, stroncje
, bariglarie
, scjavace
, scurte
-
ancje strade piçule in paîs o in citât:
simpri chel zîr [la procession], di secui, pes stradelis dai borcs furnidis di arcs, di vert, di rosis sui puiûi e di tapêts e tavaiis sui barcons (Riedo Pup, I furlans e lis sagris);
straordenarie la int intropade, in chel budiel di stradele che si clame Merceria! (Arturo Feruglio, Viaç a Vignesie)
Sin. androne