statût
sta|tût
[FO]
-
s.m.
at che al conten lis normis fondamentâls che a rezin la ativitât di une aministrazion locâl o ben di une associazion, di un istitût o di un ent privât:
si podarès, midiant un statût regjonâl avonde larc, rangjâsi un fregul di bessôi, dulà che si trate dai nestris interès, dal nestri doman, de vite dal nestri Friûl (Josef Marchet, Voltâsi ator);
il grup fondadôr di Onde Furlane, vie pal Istât dal 1979, al scriveve il statût de Cooperative di informazion furlane (Max Mauro, Un Friûl difarent: i 90 mhz di Onde Furlane)
-
s.m.
[TS]
stor.
te Ete di Mieç, complès di normis che a regolavin la vite istituzionâl dai Comuns o di un sogjet juridic coletîf organizât:
diviersis citâts da la alte Gjermanie a vevin i lôr conseis, a fasevin lis lôr leçs e i lôr statûts (Josef Marchet, Cuintristorie dal Friûl fin sot la Italie)
-
s.m.
[TS]
stor.
tal Votcent, la cjarte costituzionâl di un stât monarchic cun dentri lis normis juridichis fondamentâls
-
s.m.
[TS]
dir.intern.
normative che e fisse i rapuarts di dirit privât cun lavoradôrs forescj:
lis normativis introdusudis a ostacolin simpri plui il stabilîsi in Svuizare; e ven introdusude une jerarchie di permès e statûts che e intarde e e slungje tal timp lis pussibilitâts di integrazion e di riunion familiâr (Furio Bednarz, La emigrazion dal Friûl - Vignesie Julie: destinazion Svuizare)
-
s.m.
[BF]
cundizion juridiche, situazion di fat di personis o ents:
no si à di confondi il statût individuâl di citadin roman cuntune eventuâl esenzion fiscâl (Fabian Ros, La invenzion dal stât)
Sin. stât2
, cundizion
, situazion
, jessi1