Dizionari de Lenghe Furlane

spiçâ lis orelis    [CO]

1. loc.v. di une bestie, tirâ sù lis orelis:  Nancje se e fossin stadis tocjadis de bachete magjiche, lis dôs bestiis - cjan e cjaval - e spicin lis orelis, e petin un salt e po el cjaval al scjampe cun dute la carete de bande di Remanzâs e el cjan come une fusete al torne a cjase sô a Udin (Arturo Feruglio, 15 di Avost)
   Sin. dreçâ lis orelis , tirâ lis orelis
2. loc.v. (fig.) di cdn., cirî di sintî e scoltâ cun atenzion:  si tratave nome di tignî vierts i voi e spiçâ lis orelis: controlâ e riferî; e pôre di nuie (Pieri Menis, Il «comandatôr»); si sintive des vôs daûr vie. Pieri al spiçà lis orelis par sintî se e fos ancje chê di Fonso (Amedeo Giacomini, Tal ospedâl)
   Sin. dreçâ lis orelis , tirâ lis orelis
   
   1. cirî di capî ben une situazion che no je clare o sigure:  la justizie no coventarès che e proclamàs nuie di se; che no si des nissune cualifiche: ni compagne, ni militâr, ni speciâl… nuie. Nancje juste. Parcè che se une justizie e tache a dî di jessi juste, si comence subit a spiçâ lis orelis e a stâ sul chivalà (Riedo Pup, Un om indaûr)

Components:

• orele s.f.
• spiçâ v.tr.