Dizionari de Lenghe Furlane

tirâ lis orelis    [CO]

1. loc.v. di une bestie, tirâ sù lis orelis
   
   1. (fig.) di cdn., cirî di sintî e scoltâ cun atenzion:  il frut, sintint che a fevelavin di lui, al fasè fente di interessâsi ancjemò di plui dai siei libris, e invezit al tirave lis orelis come un cjan in ferme, par sintî chel che a disevin di lui (Carlo Sgorlon, Prime di sere)
      Sin. tirâ la orele
2. loc.v. tal sens leterâl, tirâ lis orelis di cdn. par cjastiâlu o par fâi fâ pinitince o sim.:  a penis fûr di messe, te ostarie, i compagns a oblearin Guido a bagnâ la mude gnove e i tirarin lis orelis, tant che al jere di usance di fâi a un che al screave (Roberto Ongaro, Cretevierte)
   
   1. (fig.) cridâ, criticâ:  il Consei de Europe al torne a tirâ lis orelis al Stât talian in cont dal nivel ancjemò masse bas di tutele che al ven garantît aes minorancis (Marc Stolf, Italie a cessecûl)

Components:

• orele s.f.
• tirâ v.tr., v.intr.