spedî
spe|dî
[AF]
-
v.tr.
fâ partî alc, par pueste o sim., di mût che i rivi cdn.:
il notiziari de associazion che al ven spedît a ducj i iscrits (Luca Zoratti, Associazion Teatrâl Furlane)
Sin. mandâ
-
fâ lâ cdn. intun ciert puest:
Milio Vuaraç al jere za anzian cuant che il Fassio, cuntune firme, lu fasè passâ par volontari e lu spedì a Rodi (Riedo Pup, I furlans e il mâr)
-
v.tr.
(fig.)
fâ lâ vie:
se a vignivin a confessâsi di vê viodudis porcariis tal cine dal bonsignôr, lui ju spedive ridint (Antoni Beline, Pre Pitin)
Sin. mandâ vie
, parâ vie
, socâ
, socâ vie
-
mandâ vie di vore, no tignî plui a vore:
cualchi altri, lassant il lavôr za tacât, al tornave a clamâlu: «Nibale, jevistu o no? O âstu voie che il capuçat ti spedissi?» (Meni Ucel, Orazions)
-
v.tr.
(fig., fam.)
calcolâ che cdn., soredut malât, nol vedi plui sperance, al scuegni murî in curt:
[infetât] cuntune spine di reticolât rusin, i miedis lu vevin za spedît: e lui, cuntune gjambe dute nere, le veve puartade fûr benon (Alan Brusini, Il malât di Cime Undis);
la fie dal re je malade sul serio; ducj i dotôrs la jan za spedide e si spiete moment par moment che suni la angunie di muart par jê (Dolfo Zorzut, La corodele tradìs sant Pieri)
Proverbis:
- letare scrite e je mieze spedide
