Dizionari de Lenghe Furlane

spôs  spôs  [CO]

1. s.m. cui che si maride, considerât inte dì des sôs gnocis, o ancje cui che al à di maridâsi in curt o cui che si è maridât une vore di pôc:  sù prest la tace in man: / Vive la spose e il spôs! (Pieri Çorut, Viaç da Trivignan a S. Lurinç); e sarà dute une cjar, come se si tratàs di une persone gnove che e nas fûr de union dai doi, dal spôs e de spose (Francesc Placerean, Tal matrimoni l'amôr al devente virtût e sacrament dal amôr di Diu par nô); rivâts i spôs, Jacum al tirà fûr de sachete l'anel (Angelo Covazzi, Pôc si spint e...)
   Sin. nuviç
   
   1. ancje cui che al è maridât za di timp:  e spietave di viodi se il so spôs al tornave [de vuere] (Roberto Ongaro, Il muc)
      Sin. om , marît , paron

Proverbis:

• pan e nôs, gustâ di spôs; nôs e pan, gustâ di cjan