sort1
/-ò-/
sort
[AF]
-
adi., s.m.
che, cui che nol à la facoltât di sintî suns:
une des sûrs, sorde dal dut pal sclop di une canonade che i veve rots i timplis in timp de vuere grande (Ivano Urli, Storie di Vera);
al jere vieli e sort e distrat simpri stât (Alan Brusini, Amîs come prime)
-
(iperb.)
che, cui che al sint pôc o che intun ciert moment nol sint o nol capìs:
"Sêstu sort - i dîs la femine - che no tu sints a clamâ lis cjaris?" (Luigi Gortani, Sant Pieri e la code da vacje);
«O ai capît, o ai capît» al disè lui, cun fote. «No soi sort. Va dulà che tu vuelis e bon viaç. […]» (Carlo Sgorlon, Il dolfin)
-
adi., s.m.
(fig.)
che, cui che nol acete conseis, esortazions, preieris, propuestis, che al pant disinterès, mancjance di disponibilitât e di sensibilitât e v.i.:
se [la minorance slovene] e mande vie a Rome protestis, domandis, preieris e memoriâi e po stâ ben sigure che al è timp straçât: Rome e je sorde di chê orele (Josef Marchet, Dirits, promessis e fats)
-
adi.
[TS]
fon., ling.
di sun che al è articolât cence fâ vibrâ lis cuardis vocâls:
gjavâ vie ancje la grafie ts nus puartarès a doprâ une grafie sole par trê suns diferents e a fâ la confusion dai suns ts e dz, che a corispuindin a une oposizion (consonante sorde - consonante sonore) che, in mûts diferents, a fasin dutis lis varietâts dal furlan (Xavier Lamuela, La grafie furlane normalizade)
-
adi.
(fig.)
di sun, profont:
il rumôr al si fâs sort e malinconic come se si subissàs sot tiare (Catarine Percude, Il cjan blanc di Alturis);
il zigo e i laments si faserin sorts e scûrs come se si inglotessin sot tiare (Dino Virgili, La aghe da pît la cleve)
Sin. torgul
, torvit
, çondar
-
adi.
(fig.)
di sensazion, sintiment, emozion e v.i., che no si impâr cun scjas, ma che insot e reste vive:
une dulie sorde che dal stomi e rivave a la panze (Amedeo Giacomini, Tal ospedâl);
une ruze sorde i tacà a boli dentri, cuintri no si sa cui o ce (Gianni Gregoricchio, Trê feminis)
Sin. platât
, scosagn
, sordin
Polirematichis e espressions idiomatichis
Proverbis:
- miôr mangjâ cuntun vuarp che no fevelâ cuntun sort
- nissun plui sort di cui che nol vûl sintî
- se tu vûs sei ben viodût, tenti sort e ancje mut