Dizionari de Lenghe Furlane

sen¹  sen  [AF]

1. s.m. spazi jenfri i doi pets, soredut di femine, o ancje jenfri il pet e la cjamese o il vistît:  [lis striis] metût tal sen un macet di violutis rossis, a svolavin tal pradissit de Tencje (Catarine Percude, Lis striis di Gjermanie); cjol sù, cjol une stelute: / jê e ricuarde il nestri ben. / Tu i darâs ne bussadute / e po platile tal sen (Arturo Zardini, Stelutis alpinis)
   Cfr. agâr
   
   1. pet in gjenerâl, soredut di femine:  la maie ben tirade e mostrave lis liniis di un rezipet a ponte che al armave un sen prospar (Antescûr, Il svol dal Falcone)
      Sin. pet , stomi
      Cfr. tete
   2. part didentri dal cuarp, dal bust:  il cûr i petave un salt tal sen (Roberto Ongaro, Il muc)
      Sin. pet , stomi
   3. (fig.) il pet tant che sede dai sintiments:  no gji da plui un solt da vita, e siara al so dolôr strent tal sen, rassegnada, cuieta (Ugo Pellis, Catinuta)
      Sin. pet , cûr
2. s.m. (fig.) spazi interni, ancje concetuâl, juridic e v.i.:  i popui dal Friûl (ladins, sclâfs e todescs) a tornin a jessi part di un sisteme fondât su la autonomie cuant che a tornin tal sen Imperiâl, ven a stâi dal 1797, cul tratât di Cjampfuarmit (Angelo Floramo, Ri-cognossi la autonomie)