semplicitât
sem|pli|ci|tât
[AF]
-
s.f.
il jessi sempliç, il no jessi complès o dificil:
ognidun al pues viodi su chescj sfueis, scrits inte grafie normalizade, la semplicitât, la coerence e la pulizie de gnove grafie (Adrian Cescje, Memoriis di politiche linguistiche)
Cfr. essenzialitât
, facilitât1
-
s.f.
il pensâ in maniere pôc complicade, in cualchi câs ancje pôc furbe o ancje pôc inteligjente:
la semplicitât des sôs argomentazions e jere disarmant (Raffaele Serafini, B123ST);
te sô semplicitât Dorine no veve mai pensât che in chestis robutis e jentràs malizie (Pieri Menis, Chei di Muraie)
Sin. cjandidece
, inocence
-
mancjance di culture, di studis:
jê e veve simpri cjalât, dal bas de sô buine semplicitât, lis personis che a vevin un grant savê e lis lôr peraulis a restavin fermis, tal so cjâf (Maria Forte, Cjase di Dalban)
Sin. ignorance
-
s.f.
il jessi a la buine, cence pretesis:
i Lanzins […] a mostravin di vêse par mâl che ju tratassin diferent di ducj chei altris. E salacor al jere par chê semplicitât che ju tratavin propit cussì puartâts in palme di man (Dino Virgili, La aghe da pît la cleve)
Sin. scletece
