ignorance
/-à-/
i|gno|ran|ce
[AF]
-
s.f.
il no savê alc:
la complete ignorance dai oms sul lôr avignî (Carlo Sgorlon, Il dolfin);
la plui part de nestre int ancje inscuelade e vîf te plui nere ignorance di dut ce che al è fûr dai confins de Penisule (Josef Marchet, Lôr no molin e nô no molìn)
-
s.f.
mancjance di cognossince, di istruzion, di culture:
imbragâts, eco ce che o sês, te cragne e te ignorance, che a son robis che no covente imparâ (Alan Brusini, Il mâl dal tor);
de ignorance a nassin, come fiis dretis e primarolis, la prepotence, la arogance, la false sigurece (Antoni Beline, La fabriche dai predis)
Proverbis:
- cui che al cjavalgje la supierbie al è in grope a la ignorance
- la supierbie e je fie da la ignorance
- supierbie e ignorance a nassin sul stes pedâl