inocence
/-cèn-/
i|no|cen|ce
[AF]
-
s.f.
il no jessi colpevul, il no vê responsabilitât intun delit, intune colpe, intun pecjât e v.i.:
dopo 33 zornadis di siopar de fam a Vanni Mulinaris i ven concedude la libertât provisorie. Al varà di spietâ ancjemò cualchi an, dut câs, par viodi ricognossude la sô plene inocence (Max Mauro, Un Friûl difarent: i 90 mhz di Onde Furlane)
Var. inocenzie
, nocence
, nocenzie
-
vergjinitât o onorabilitât che e derive de vergjinitât, vere o presumude:
"E par chel alì, che nol vâl nancje mieze svanzighe, no tu âs vude pôre a scjampâ di cjase e piardi la tô inocence?" (Arturo Feruglio, L'ultin di carnevâl là di Plet)
-
s.f.
mancjance, ancje esagjerade, di malizie, o ancje di prudence, di delicatece:
e po, cuntune inocence di fâ colâ i braçs. "Tu tu sês chê che tal borc le clamin la zingare, no mo?" Mario al varès volût sparî. Sô mari e riduçave, contente di vê induvinât (Gianni Gregoricchio, Lilie)
Sin. cjandidece
, ingjenuitât
-
s.f.
(fig., meton.)
i fruts, la canaie:
"Sporcacjon di un sporcacjonat! Vergogniti, che e je la inocence che ti scolte! " La inocence o jeri jo, che no capivi nuie e che o tacavi a ridi daûr di gno pari (Gianni Gregoricchio, Trê feminis)
Proverbis:
- dulà che e je inocence e je providence
- la inocence e je protete