ingjenuitât
in|gje|nu|i|tât
[CO]
-
s.f.
mancjance di malizie, di suspiet, ma ancje di prudence e di inteligjence svelte:
jo o vevi pierdude un pôc la mê ingjenuitât, e i crodevi fin a un ciert pont (Carlo Sgorlon, Il dolfin);
al è simpri cualchidun che, o par ingjenuitât, o par interès, o par ignorance al crôt o al fâs fente di crodi ta chês sflandocjis che ogni guvier, in ogni part dal mont, al predicje cuant che al à di scusâ une vuere (Roberto Ongaro, Cretevierte)
-
azion fate cence malizie e cence prudence:
o cirivi di contâ dut e di no platâ nuie. Une ingjenuitât che mi è stade fatâl (Antoni Beline, La fabriche dai predis)
-
s.f.
mancjance di finece tal mistîr:
il libri al pant ca e là cualchi pecje di ingjenuitât che no podeve mancjâ intun autôr gnûf e pôc espert di narative (Lelo Cjanton, Vico di Flumisel e dal mâr compagn di vite di ducj nô)
-
detai o element che al mostre mancjance di finece tal mistîr:
il lavôr al à striât i jurâts ancje se il judizi al critiche inte storie, che si pee a chê dai Cramârs cjargnei, cualchi ingjenuitât e un dissen un tic masse crût (Walter Tomada, Il prin fumut al Sant Simon)