scufe
scu|fe
[AF]
-
s.f.
sorte di barete, pal solit di gucje, cence ale o frontin:
une scufe e une siarpe di lane di piore, sgjarpide e gucjade de sô femine, pal frêt (Alviero Negro, L'usurâr);
abits di ultime mode, / galans e façolets, / cjapiei, scufis, strieçs, / sgherlifs di mil colôrs (Pieri Çorut, I bagns di Betine);
Lene e veve za preparâts [pal frutin] i vistiduts, un scansel di armâr plen, robe di lane e di tele, golfuts, scufutis (Pieri Menis, Sul agâr)
Cfr. barete
, cjapiel
-
ancje in riferiment al fez doprât dai fassiscj:
al cucà doi fantats che a passavin difûr, cuntune scufe nere sul cjâf e un curtissat te cinturie (Pieri Menis, Il «comandatôr»)
-
s.f.
sorte di cjapielut blanc doprât, soredut une volte, des camarelis o des baiis
Sin. creste
-
s.f.
spec. tal pl., imprest par sintî musiche o cualsisei segnâl audio, formât di une cubie di trasdutôrs eletroacustics che si tegnin tacâts des orelis:
al à intor un pâr di scufis che i gjavin i sunôrs di dulintor (Raffaele Serafini, B123ST)
Sin. auricolâr
-
s.f.
spec. tal pl., imprest di protezion acustiche, che si ten parsore des orelis, doprât spec. di chei che a lavorin intun ambient cun tant sunsûr:
a Visepente plui di cualchidun, che di PAN a ‘nd àn fin parsore i cjavei, al zirave cu lis scufis antirumôr par podê "vivi" a cjase sô (Comitât NO AMX MDS, PAN…em et circenses. L’aniversari des Frecis parsore il Friûl di Mieç)
Sin. pareorelis
-
s.f.
[TS]
anat.
cualsisei struture che e vedi la forme plui o mancul ingjavade e une funzion di rivistiment o protezion
-
s.f.
[TS]
tecn.
cuvierture di protezion di cualchi argagn o part di machinari
-
s.f.
(fig., zerg.)
confusion causade dal inamorament:
si poiave sul scjalin a spietâ [la fantate] cun rassegnazion, ridint di se e de scufe che al veve cjapade (Gianni Gregoricchio, Trê feminis)
-
confusion mentâl in gjenerâl, ancje no par vie dal inamorament:
no mi sintivi di jessi de stanzie, frontâ la cjaladure des feminis e chê soredut de siore Stroili, une cjaladure che mi mandave in scufe (Alan Brusini, Gian Paolo Linda, I forescj)
Sin. sturniment
, conturbie
Polirematichis e espressions idiomatichis