Dizionari de Lenghe Furlane

savê di ce pît che un al va çuet    [CO]

1. loc.v. cognossì ben cdn., in particolâr cognossi i siei vizis, i siei difiets, ce che al pense, ce che i plâs e v.i.:  al vûl dî che il bocâl par umiliâ la agadorie no ti mancjarà: che jo o sai di ce pît che tu vâs çuet (Josef Marchet, Lis predicjis dal muini); «Parcè? … si puedial savê parcè che nol è fantat par me?» Anzule e saveve di ce pît che e leve çuete sô mari [che e voleve un zinar siôr di bêçs], ma e voleve sintîlu a dî di jê (Pieri Menis, La maghe no fale)

Components:

• çuet adi., s.m.
• lâ v.intr., s.m.sing.
• pît s.m.
• savê¹ v.tr., v.intr., v.mod.