Dizionari de Lenghe Furlane

saltâ tai voi    [CO]

1. loc.v. lâ cuintri cun agressivitât, par fâ mâl:  "[…] No zove nancje vuardâsi: îr mi à petât un crugnul pe spale, che mi dûl ancjimò. Ah! ce vulintîr che i sarès saltade tai voi!" (Ercole Carletti, Mariute)
   Sin. saltâ intor
2. loc.v. jessi notât, fâsi notâ:  ben vistût cun mudis gnovis e coloradis che a saltavin tai voi (Alan Brusini, La ultime partence); e salte tai voi la capacitât dal autôr di viodi, prime dal timp, la impuartance di argoments che a saressin vignûts in lûs dome agns plui tart (Laurin Zuan Nardin, Lelo Cjanton, Friûl e di vuê e di doman, Pasian di Prât, 2007)
   Sin. imparêsi , saltâ intai voi , saltâ ai voi

Components:

• saltâ v.intr., v.tr.
• voli s.m.