Dizionari de Lenghe Furlane

rondolâsi  ron|do|lâ|si  [CO]

1. v.pron.intr. zirâ su se stes o movisi zirant:  mi spietave une gnot di vee a rondolâmi intal jet, chel jet di spinis e di domandis cence rispuestis (Laurin Zuan Nardin, Il cop); Tinut, come un gjat, si rondolà jù pai scjalins e vie di corse scjampant fûr (Pieri Menis, Tinut di Libro); la aghe subit in bande si rondole jù cjantant pai claps (Dino Virgili, Il mulin)
   Sin. tombolâ , tombolâsi , marcolâ , voltolâsi
   Var. rondulâsi
   
   1. fâ l'amôr:  intant lis fiis, restadis di bessolis, si inviavin come polecis cun chei gjaluts de camisole rote che a sghirlavin intor de cjase dal Murat, e si rondolavin su la jerbe dai rivâi (Maria Forte, La cjase dal Murat)
2. v.pron.intr. lâ ator, lâ ca e là:  Tite si rondolave tra lis compagniis dai paisans che a vevin gust di sintî a contâ robis forestis che lôr a cjapavin par strambolots (Alan Brusini, La ultime partence)
   Sin. torzeâ , torzeonâ , balinâ
   
   1. lâ ator o fâ alc di no definît, soredut cence cumbinâ nuie, cence rivâ a nissun risultât:  sù mostros, vait a scuele; / no la finîso mai / di rondolâsi chenti? (Zaneto, Si viarzin lis scuelis)
      Sin. dandanâ , drindulâsi , pendolâ , pendolâsi , pindulâ , pindulâsi , trindulâsi