prossim
/-ò-/
pro|ssim
[FO]
-
adi.
che al à di vignî, di sucedi, di deventâ:
se si varà timp a vivi fin aes prossimis votazions, si pensarà un fregul di plui a ce che si fâs cuntune schede (Josef Marchet, L'esempli di adalt)
Sin. ventûr
, che al ven
, cu ven
-
che al podarès rivâ intun timp plui o mancul curt:
«Sì, sì! La prossime volte tu viodarâs se o tâs!» (Raffaele Serafini, Contis sot spirt)
-
adi.
che al sta par rivâ, dongje tal timp:
e jere prossime la ore di lâ a cjapâ rispueste di ce che i stave tant a cûr (Roberto Ongaro, Cretevierte);
e jere prossime une grande sventure pal paîs (Pieri Menis, Lis leiendis di Buie)
Sin. dongje
, vicin
, daprûf
, dacîs
-
dongje tal spazi, tal ordin logjic o in cualchi altri contest:
si combatin lis causis prossimis, ma no si cirin chês remotis. Si cîr di anientâ l'aversari, plui che di capî lis sôs eventuâls resons (Antoni Beline, Plui conversion che repression)
-
adi., s.m.
che, cui che i tocje il turni dopo intun ordin di events, intun servizi e v.i.:
"Che al jentri il prossim…"
-
adi.
che al à une vore di afinitâts:
une situazion che e je prossime al vueit (Walter Tomada, La situazion avilente de politiche furlane: il pont sul Parlament. O sin dal gjat!)
Sin. dacîs
, daprûf
, tacât
, dongje
, vicin
-
s.m.
tal sing., ogni persone che si à a ce fâ cun jê, soredut daûr dal pinsîr cristian al dîs di amâle, rispietâle, judâle e v.i.:
la caritât cristiane mi oblee a patî par vê maniere di fâ dal ben al prossim (Arturo Feruglio, Viaç a Vignesie);
o soi convinte che ogni esperience umane, cun ducj i siei lusôrs e dutis lis sôs ombris, e sedi un tesaur di dividi cul prossim (Gianni Gregoricchio, Trê feminis)
Polirematichis e espressions idiomatichis
Proverbis:
- al è un divertiment ancje a dî mâl dal prossim