presit
/-é-/
pre|sit
[FO]
-
s.m.
sume di bêçs che si domande par vendi alc o par dâ un servizi:
«[…] Trop aio di dâti?» «Cuarante mil» «Folc! Si tignìn sù, eh?» «Us ai dit che e je stade une vore fadiose. Al è un presit just» (Carlo Sgorlon, Prime di sere);
i presits a vadin sù che a consolin, dì par dì: plui si cîr e plui si paie (Josef Marchet, Il pietin e il grop);
e domandave il presit dai foncs e di indulà che a vignivin (Angelo Covazzi, Foncs)
Var. presi
, presin
Cfr. impuart
, cost
, valôr
-
s.m.
consecuence negative di une situazion, di un fat:
se la Italie dal daspovuere e jere un paîs in zenoglon, il Friûl al jere chel che al veve paiât il presit plui alt (Carli Pup, La seconde Irlande)
Cfr. cost
Polirematichis e espressions idiomatichis
Proverbis:
- il presit de libertât e je la vite
- sul ultin dal marcjât si à la robe simpri a plui bon presit