Dizionari de Lenghe Furlane

a presit    [CO]

1. loc.av., loc.adi.inv. cuntun presit bas, cun pocje spese:  «A la Oselade» si fâs dut par ben, e po bon vin, vin just e a presit (Pieri Somede dai Marcs, A la oselade); o pues dî che no si son profitâts: lu àn dât vie a presit (Riedo Pup, Oh giornate del nostro riscatto!)
   Sin. a bon presit
2. loc.av., loc.adi.inv. cuntun presit convenient par cui che al vent, cun presit alt:  "O voi a la Basse par viodi indulà che si podarà vendi plui a presit il cjarbon […]" (Pieri Somede dai Marcs, Co une vôs e clame)

Components:

• presit s.m.