Dizionari de Lenghe Furlane

a bon presit    [CO]

1. loc.av., loc.adi.inv. cuntun presit bas, cun pocje spese:  nol veve nissune voie di dâ di credince. Al diseve che lui nol rivave a tignî ad a ments. Al vendeve a bon presit, ma bêçs subit (Angelo Covazzi, Dâ di credince); il radric jal cêt a bon presit, tratantsi di trê chilos mi darà dusinte francs al chilo (Pieri Somede dai Marcs, Cjase di fitâ)
   Sin. a presit
2. loc.av., loc.adi.inv. (fig.) cence paiâ consecuencis o savint o crodint che tant no si varà di paiâ consecuencis:  il guviar talian, cu la stupide sperance di gjavâsi a bon presit des consecuencis di une vuere piardude al à soflât sul fûc plui che al à podût, cun promessis e zuraments, par che i talians da la Istrie a mostrassin al mont il lôr amôr di Patrie (Josef Marchet, Cuant si risolvaraie Rome a sistemâ i Julians?)

Components:

• bon adi., s.m., inter., av.
• presit s.m.