prelevâ
pre|le|vâ
[CO]
-
v.tr.
gjavâ une piçule cuantitât di sostance, in gjenar par analizâle:
o vevin di cerçâ la tignince des pieris e prelevâ campions di tiere (Alan Brusini, Gian Paolo Linda, I forescj)
Sin. gjavâ
, jevâ
, tirâ fûr
-
v.tr.
cjoli une part o dute une sume di bêçs di un cont in bancje o di un puest li che e je metude in bande:
no soi mico un client [de bancje] jo, vignût a prelevâ milions (Riedo Pup, La Bancje cence un franc)
Sin. gjavâ
, jevâ
, tirâ
, tirâ fûr
-
v.tr.
cjapâ cdn. o alc di dulà che al è cun autoritât o cu la fuarce:
nol jere possibil par Vignesie procurâ armis par vie che dut chel che al jere stât prelevât tal Arsenâl al jere za stât distribuît sei ae Guardie civiche sei a une part des provinciis di tiareferme (Giovanni Pillinini, Discors critic sul Cuarantevot in Friûl);
un trop di partigjans a vevin prelevât doi fassiscj dal paîs e ju vevin puartâts in place, cu lis mans leadis (Pieri Menis, Sul agâr)
-
(scherç.)
fâ che cdn. al vegni parie, fâsi compagnâ di cdn.:
Bepo e Zepil a larin a prelevâ Serafin in cjase, che al jere un dopomisdì di Zenâr crût e grîs e la strade un pacjuc: juste un timp di tirâsi daûr dal fogolâr di Gjin a bevi chel got e a meti alc sot i dincj (Meni Ucel, Il salam)