pluralitât
plu|ra|li|tât
[AF]
-
s.f.
cundizion di ce che al è plurâl, di ce che al è componût di plui elements, che si riferìs a plui elements, ancje diviers tra di lôr:
il rispiet de pluralitât linguistiche e culturâl al è un dai principis de Union (Marc Stolf, Minorancis linguistichis)
Cfr. varietât
, diference
, diversitât
-
s.f.
complès formât di plui elements, ancje diferents tra di lôr:
al è impuartant vê une pluralitât di regjistris che a permetin no dome di comunicâ cun plui personis a nivei disferents ma sore il dut di comunicâ i sintiments, lis sensazions (Roberta Melchior, La forme origjinarie)
Sin. complès
-
s.f.
complès formât de plui part dai elements:
la pluralitât dai furlans di cualchi culture, ma che no àn tignût daûr ai progrès dai studis di linguistiche in chescj ultins cincuante agns, si tegnin inmò tacâts a la opinion dal Ascoli (Josef Marchet, Autonomie e lengaç)
Sin. maiorance
, plui part
, pluritât