maiorance
/-àn-/
ma|io|ran|ce
[AF]
-
s.f.
part plui grande di alc o di un complès:
ca sù o vin cuasi dut l'esercit, o vin la stragrande maiorance des casermis, dai bunkers, dai staipins, des barachis ANAS, dai gjenerâi (Riedo Pup, Lis mudantis tricolôr);
la grande maiorance dai aderents dal Moviment a son brave int, gjenerose, che e da cence ambizion personâl, dome par che al vivi il Friûl che a àn tal cûr (Adrian Cescje, Memoriis di politiche linguistiche)
Sin. plui part
-
superioritât numeriche:
un guvier di transizion, là che lis ministris a son in maiorance rispiet ai ministris, che al promet di meti in vore une decise discontinuitât rispiet al esecutîf di prime (Marc Stolf, Il gnûf guvier de Catalogne e chel di Madrid rivarano a fevelâsi?)
-
comunitât che e forme la plui part di une popolazion:
no mi plaseve nuie la maniere che in Svuizare la maiorance todescje e trate cui rumançs (Agnul di Spere, Un de maiorance)
-
s.f.
dentri di un orghin colegjâl, percentuâl dai vôts che e à di sei esprimude a pro di une propueste par che e vedi il valôr di deliberazion di dut l'orghin:
il Consei comunâl al à fat bon cuntune grande maiorance il Regolament (Comitât 482, Pai dirits linguistics in Friûl - Vignesie Julie 2008-2013)
Sin. plui
-
complès dai components di un orghin, massime politic, che a son bogns di esprimi intune votazion la percentuâl di vôts che e covente par formâ la volontât dal cuarp:
il Sindic, siôr Talico Gavot, gastalt dal cont, al poiave suntune salde maiorance (Dino Virgili, La aghe da pît la cleve);
tal indoman a buinore une comission dal partît di maiorance si presentave in Comun a fevelâ cul sindic (Pieri Menis, Il fiâr dal plevan)