pignat
/-àt/
pi|gnat
[CO]
-
s.m.
contignidôr di metal o di crep, in gjenar plui alt che larc, cuntun o doi manis o cuntun cempli, che al pues lâ sul fûc:
intune grande stue di ghise, al cjantave un fûc di strissulis e di breis. Parsore al jere in cjalt il pignat de cole (Carlo Sgorlon, Prime di sere);
"[...] us prei, Noni, vait vô in cusine e svuedait ta chê terine che je su la taule chel pignat che al è dongje il fûc e puartaitgji la mignestre al plevan" (Francesco Coletti, Romeo Battistig, Arturo Bosetti, La massarie dal plevan)
Cfr. pignate
, cite
-
contignidôr plui o mancul cilindric, ancje no di meti sul fûc:
la glesie e je dute sotsore cun chestis armaduris e i seglots e i pignats dai muredôrs e dai pitôrs che a son daûr a metile in sest (Josef Marchet, Lis predicjis dal muini);
[...] une fantate / e va te latarie / cul clupignâ dal lat intai pignats (Lelo Cjanton, Un tor al sune)
Cfr. sele
, seglot
Proverbis:
- il cjalt dai bleons nol fâs boli il pignat