sele
/sé-/
se|le
[AF]
-
s.f.
recipient viert di forme cilindriche o plui o mancul cilindriche, pal solit cuntun mani a arc:
i cjars cu lis botis a vignivin sot sere fin tal flum: i bûs a bevevin soflant ta la aghe, intant che i umign a jemplavin cu lis selis lis botis miezis scridelidis (Dino Virgili, La aghe da pît la cleve);
une fantate si jere lassade compagnâ cualchi volte dal poç fin a cjase e lui i puartave la sele, ma lis sôs amîs le vevin cjolte vie (Pieri Somede dai Marcs, Nardon e Vigjute di Nani)
Cfr. seglot
, cjaldîr
-
cuantitât di licuit o di altri materiâl tignût dentri in chel recipient:
il fum al cjoleve il flât. Chês cuatri selis di aghe no bastavin [par studâ il fûc] (Dino Virgili, La aghe da pît la cleve)
-
(fig.)
cuantitât di licuit une vore bondante:
impuartant al jere di no patî plui, di no sintî chê vôs maladete… Scjafoiâle, … inneâle magari tune sele di sgnape (Maria Forte, La tiere di Lansing)
-
s.f.
[TS]
metrol.
misure tradizionâl di capacitât, che daûr dal puest e podeve jessi formade di dîs, dodis o sedis bocâi:
orna di Guriza (un orna = 6 selis, 1 sela = 12 bocâi) (Federigo Comelli, Il me paîs)
Cfr. bocâl
, orne
, cuinç
Proverbis:
- a fuarce di lâ la sele tal poç, e lasse il mani
- e va tant la sele al poç, fin che e reste dentri