seglot
/-òt/
se|glot
[AF]
-
s.m.
recipient viert di forme plui o mancul cilindriche, in gjenar cuntun mani semicircolâr, un pôc plui piçul de sele:
Guri al molave jù il seglot tal poç, la aghe nere e slusignave da fonts, e po al tirave fintremai che al comparive il seglot plen (Dino Virgili, La aghe da pît la cleve);
il seglot dal lat;
il seglot des scovacis
Cfr. sele
, cjaldîr
-
cuantitât di licuit o altri materiâl che e sta dentri in chel recipient:
chês frutis no ur àn dome ridût in muse, ju àn ancje saludâts cun cualchi seglot di aghe! (Cristina Noacco, Faliscjis)
-
(fig.)
cuantitât di licuit o di altri materiâl une vore bondante:
soredut al gjoldeve i biscotins, di tocjâju tal cafè, che a 'nd varès bevût un seglot in dì di cafè (Meni Ucel, Biscots);
si olme pes taulis / la cragne a seglots (Romeo Battistig (?), Ai Piombi)
-
s.m.
(fig.)
cui che al bêf masse alcolics:
a si dîs: bagnâ il licôf / a si dîs bagnâ i riçots / e jo sì che i ju ai bagnâts / jo sì plera, jo seglot (Giorgio Ferigo, Un emigrant)
Sin. plere
, gorne
-
s.m.
(spres., zerg.)
cui che si impegne une vore tal studi, che nol fâs nuie altri che studiâ:
jo, fevelant sincîr, o fasarès di dut par jessi un "seglot". O tornarès fintremai a començâ i agns di scuele (AAVV, Sul florî)
Proverbis:
- cuant che il seglot al spant, no dî mâl dal cempli