pieç
/-è-/
pieç
[FO]
-
s.m.
dade di timp che al è passât o che al à di passâ:
al è un biel pieç che o provi a clamâti, ma il to telefonut al jere simpri distudât (Franca Mainardis, Grivôr);
mi visarai par un pieç la espression che o vevi viodude a comparî su la muse dal om (Gianni Gregoricchio, Trê feminis);
Bepo Maron al è stât un pieç di agns pal mont cun me (Josef Marchet, Lis predicjis dal muini);
mandi fioç, al è un pieç che no ti viôt, tu ti slungjis simpri plui (Pieri Somede dai Marcs, Vilie di Nadâl (teatri));
a restarin a fâ conts par un pieç (Maria Forte, La tiere di Lansing);
il frut al scomparì dentri cjase, e dopo un pieçut al tornà fûr (Carlo Sgorlon, Prime di sere);
al tontonà, al bruntulà un pieç a lunc (Luigi Gortani, Meni Fari)
Var. peç2
-
distance tal spazi:
il sbâr al era passât un peç innà, ma il scjas a i veva fermât il cour (Novella Cantarutti, Il Crist sclagn)
-
s.m.
[BF]
element singul di un complès o part di alc plui grant o porzion di intîr:
un pieç di tiere;
un pieç di prât
Sin. part1
, toc1
, porzion
, bocon
, blec
-
(par anton.)
piçule part di tiere:
i prins di Març si tacave a svangjâ e a preparâ i pieçs di coltivâ (AAVV, Un puint tra îr e vuê 4)
-
s.m.
[BF]
in espressions ofensivis:
ma cumò al non è pieç di basoâl, / cu no vueli mangjâ di ste mignestre (Ermes di Colorêt, I, 198)
Sin. toc1
, bocon
-
s.m.
[BF]
composizion musicâl avonde curte o part di une composizion lungje:
il program al jere fat par contentâ ducj i guscj: pieçs famôs di oparis di Bellini, Verdi e Puccini, ma ancje romanzis e cjançons di Tosti e di Bixio - melodiis di timps lontans, che si torne a scoltâ cun plasê e a moments cuntun fregul di ingrop (Pieri Grassi, Sandri Secco dai Juris, La Europe des patriis)
Sin. toc1
-
composizion o part di composizion scrite, di gjornalisim, di prose, di teatri e v.i.:
leìnt i pieçs di Pieri Grassi di Glemone, di Spartaco Iacobuzio di Faedis, di Sergjo Jacuzzi di Cjampei (Sandri Secco dai Juris, Il Fogolâr Furlan di Milano, II, 2014)
Proverbis:
- la cjase dai contents al è un pieç che e je sdrumade