par aiar
[FO]
-
loc.av., loc.adi.inv.
tal aiar, tal cîl o adalt:
"Oh! cumò, cumò o capìs… Lui al sarès… ven a stâi, l'aviatôr, ostarie un biel mistîr il svolâ par aiar" (Pieri Somede dai Marcs, Barbane);
une bugade di aiar rabiôs al alçà sù par aiar une trombe di fueis e di fros (Pieri Menis, Sul agâr)
Sin. par arie
, pal aiar
-
indreçât adalt:
indulà sono?… E je miezore che o soi cul nâs par aiar ma no lis ai viodudis une madocule! (Arturo Feruglio, Viaç a Vignesie);
e tint par aiar lis mans, i mancje il respîr, e ansime (Pieri Somede dai Marcs, Mame…);
al cjalave par aiar come par cirî la ispirazion (Dino Virgili, La aghe da pît la cleve)
Sin. insù
, adalt
, par arie
, pal aiar
-
loc.av., loc.adi.inv.
(fig.)
in disordin o a tocs, disfat, viert e v.i.:
"O soi colpe jo? Ardemie… se lis cjamaris dai forescj e son ancjimò par aiar; se dut al è ancjimò sporc e in disordin…" (Ercole Carletti, Mariute);
ancje plui indenant i tocjà di fermâsi, stant che ancje li la strade e jere dute par aiar, che a jerin daûr a slargjâle e a splanâle cui bulldozer (Carlo Sgorlon, Prime di sere)
-
loc.av., loc.adi.inv.
(fig.)
intune fase ancjemò ipotetiche, teoriche, preparatorie, indefinide:
"Mi pâr di vê capît par aiar cualchi progjet sul cont di Anzuline…" (Pieri Somede dai Marcs, Ursule);
culì no si trate plui di parturî bielis ideis implantadis par aiar, si trate di tradusilis in disposizions precisis (Josef Marchet, Fûr cui che i tocje)
Sin. pal aiar
Components:
Proverbis:
- al è miôr un solt in man che no un stât par aiar
- al vâl plui un uciel in man che no cent par aiar
