Dizionari de Lenghe Furlane

pal aiar    [FO]

1. loc.av., loc.adi.inv. tal aiar, tal cîl o adalt:  la int intai curtîi e finive in chê volte di bati, e ancjemò pal aiar e svolave la bule (Catarine Percude, Il prin sarasin); jê dovente subite une colombe e cul sempli intal bicut vie jê pal aiar (Dolfo Zorzut, Blancjuteflôr e el zuiadôr)
   Sin. par arie , par aiar
   
   1. indreçât adalt:  il mestri, fat duncje un grant cercli, fermât cul braç pal aiar tal pont plui alt da circonference […] (Renzo Brollo, Storie Mestre)
      Sin. insù , adalt , par arie , par aiar
2. loc.av., loc.adi.inv. (fig.) intune fase ancjemò ipotetiche, teoriche, preparatorie, indefinide:  o vês di lassâmi fevelâ cuntune cierte scletece, ancje parcè che nol è timp di cjacaris e nol è timp di dî robis che a stan masse pal aiar (Francesc Placerean, La Glesie e à di lassâ i popui come che a son e fâur di levan seont la lôr paste); Eliot al diseve che il poete al è l'om plui concret dal mont, parcè che al da sostance di cjarte e ingjustri a dut ce che al sta pal aiar (Walter Tomada, Pierluigi Cappello: «L’om plui concret? Il poete»)
   Sin. par aiar

Components:

• aiar¹ s.m.