muardi
/-à-/
muar|di
[AF]
-
v.tr.
strenzi cui dincj:
il so cjan […] mi à ancje rot i bregons e muardude la polpete (Angelo Covazzi, I dincj);
muardi cui dincj la monede di arint par viodi se e je mate (Alan Brusini, Come tai romançs);
al muardeve i lavris par no zigâ (Maria Forte, Cjase di Dalban);
une sere e jere cjoche e mi à muardût la orele ma lu à fat cun amôr (Checo Tam, Queen Anastasia)
Sin. smorseâ
, morseâ
-
spec. di sarpints, sbusâ cui dincj par scliçâ dentri velen
Sin. becâ
-
v.tr.
(fig.)
strenzi, intacâ o puartâ vie come a smorseadis:
la aghe nere dal flum e sbregave vie la glerie, e muardeve la renzite, e savoltave arbui (Dino Virgili, La aghe da pît la cleve);
i trois a muardevin li scarpeti e i peis in cressi a foravin il vilût (Novella Cantarutti, Scarpeti)
Sin. cjapâ
-
v.tr., v.intr.
(fig.)
fâ sintî un dolôr, fisic o psicologjic o morâl:
lis pachis cjapadis ti muardin la cjar, chês che tu âs pôre di cjapâ ti sburtin a tirâti sù (Raffaele Serafini, Contis sot spirt);
la fan a muardeva pi insot da la poura (Novella Cantarutti, Il cosacut);
jê si jere sintude a colâ la vite, ma no veve volût fâ liendis, ni spulzinâ alc di plui, ancje se i muardeve la voie di savê (Maria Forte, La tiere di Lansing)
Polirematichis e espressions idiomatichis
Proverbis:
- cjan che nol baie al muart
- cualchi volte la bisse e muart il çarlatan
- lis 'savis no muardin parcè che no àn dincj
- no podint muardi, lis feminis a vain
- no stâ muardi prin di savê se e je piere o pan
- vuarditi dal asin che se nol po muardi al trai